Аламүдүн базары дезинфекциялоо үчүн жабылды

Бүгүн, 15-июндан баштап Аламүдүн базары санитардык иштерди жүргүзүү үчүн ишин токтотту, деп билдиришти Бишкек шаардык мэриясынан. 

Базардагы баардык соода түйүндөрү убактылуу жабылды. Анда санитардык чаралар күчөтүлүп, башкы санитардык дарыгер Кубан Кундашевдин жетекчилиги алдында дезинфекциялоо иштери жүргүзүлөт. 

Буга чейин 10-13-июнь күндөрү Орто-Сай базарынын аймагы тазаланып, вирустун алдын алуу үчүн дезинфекциялоо иштери жүргүзүлгөн. 

Мэрия жарандардан санитардык эрежерди сактап, беткап, колкап кийип, жеке гигиенаны күчөтүүнү, коомдук жайларга барбоону жана аралыкты сактоону өтүнөт.