Аламүдүндө 30 жаштагы жаран аялдын телефонун жана акчасын тоноп кеткен

Аламүдүндө милиция кызматкерлери аялды тоноого шектелген жергиликтүү тургунду кармашты. Бул тууралуу Чүй ОИИББинин басма сөз кызматынан билдиришти.

Маалыматка ылайык, милицияга Бишкектин 52 жаштагы А.А аттуу тургуну арыз менен кайрылган. Анда 2-апрелде саат 08:30дар чамасында Аламүдүн айылында белгисиз адам ага кол салып телефонун жана 5 миң сом акчасын жулуп алып качып кеткенин айткан. Бул факты Кылмыш-жаза кодексинин 206-беренесинин (Тоноо) негизинде катталган.

Ыкчам-иликтөө иш-чараларынын алкагында кылмышка шектүү катары 30 жаштагы О.А. аттуу Чүй облусунун тургуну кармалган.

Ал убактылуу кармоочу жайга киргизилип, ушул сыяктуу башка кылмыштарга катыштыгы бар же жогу текшерилүүдө.