Аламүдүндө таанышынын мойнуна бычак сайып өлтүргөн жаран кармалды

Аламүдүн районунда өзүнүн тааныш адамын өлтүрүүгө шектелген жаран кармалды. Бул тууралуу Чүй ОИИББнын басма сөз кызматы билдирди.

         2022-жылдын 15-декабрында Аламүдүн РИИБнүн нөөмөт бөлүмүнө, Аламүдүн районунун Лесхоз айылынын тургуну 1978-жылы туулган К.С. аттуу жарандын, бычактан жаракат алып каза болгон денеси табылгандыгы туралуу билдирүү түшкөн.

       Аталган факты Аламүдүн РИИБне катталып, Кыргыз Республикасынын КЖКнин 122-беренесинде көрсөтүлгөн (адам өлтүрүү) кылмыштын курамы менен кылмыш иши козголгон.

         Аламүдүн РИИБнин кызматкерлери тарабынан иизи суй электе жүргүзүлгөн ыкчам издөө иш-аракеттеринин натыйжасында, кылмыш ишине шектүү катары 1986-жылы туулган Г.А. аттуу жаран кармалып, ал жабырлануучу менен спирт ичимдиктерин ичип олтуруп, ортодо чыккан чыр-чатактан улам, бычак менен жабырлануучуну моюн тарапка сайып жибергени аныкталган.

      Шектүү Кыргыз Республикасынын КЖПКнин 96-беренесинин талаптарына ылайык, убактылуу кармоочу жайына камакка алынды.

 Тергөө амалдары улантылууда.