Жогорку Кеңештин төрагасынын орун басары Улан Примовдун демилгеси менен Примов фондунун демөөрчүлүгү аркылуу жыл сайын аз камсыз үй-бүлөлөргө жана мүмкүнчүлүгү чектелген жарандарга акысыз көмүр таратуу салтка айланган. Бул тууралуу Жогорку Кеңештин Басма сөз кызматы билдирди.
Быйыл Кара-Кулжа районунда жашаган аз камсыз болгон үй-бүлөлөргө 250 тонна көмүр таркатылып, Алай районундагы айылдарга да көмүр берилди.
Айрыкча, климаттык шарты катаал, жылдын 6-7 айы кыш болгон Сары-Таш, Сары-Могол, Талды-Суу айылдарына 100-150 тоннадан көмүр берилип, жардам алган жашоо-турмушу оор жарандар депутатка ыраазычылыгын билдиришти.
Кошумчалай кетсек, Жогорку Кеңештин төрагасынын орун басары Улан Примов ден-соолугунан мүмкүнчүлүгү чектелген жарандарга да ар тараптуу жардам көрсөтүп, азык-түлүк жана дары-дармек түрүндө да колдоо кылып келет.
Пикирлер (0)
Пикир жок. Сиз биринчилерден болушуңуз мүмкүн