Алайда күчү 6 баллга жеткен жер титирөө катталды

Ош облусунун Алай районунда күчү 6 баллга жеткен жер титирөө катталды. Бул тууралуу Өзгөчө кырдаалдар министрлигинин басма сөз кызматынан билдирди.

Маалыматка ылайык, 6-май күнү саат 16:50дө Кыргызстан менен Кытайдын чектешкен аймагында очогунда күчү 6 баллга жеткен жер титирөө катталган.

Жер титирөө Ош облусунун Алай районунун Нура, Иркештам айылдарында 6 балл, Көк-Суу айылында 5 балл, Кара-Киндик, Кичи-Каракол, Чий-Талаа, Кызыл-Алай, Арча-Булак айылдарында 4 балл, Гүлчө, Суфи-Курган, Таш-Короо, Кара-Шоро айылдарында жана Ош шаарында  3 баллга чейин сезилген.

Ал эми жер титирөөдөн жабыркагандар жана кыйроолор катталган эмес.