Алгач Түштүк-Сахалинскте. Чет өлкөдө 59 шайлоо тилкеси ачылды

Бүгүн, 28-ноябрда 08:00дө Кыргызстанда Жогорку Кеңештин депутаттарын шайлоо башталды. Учурда жалпы кыргызстандыктардын добуш берүүсүн камсыздоо үчүн чет өлкөдөгү элчилик жана консулдуктарда жалпы 59 шайлоо участогу уюштурулган. Бул тууралуу БШКнын төрайымы Нуржан Шайлдабекова билдирди.

Кыргызстандын сааты боюнча түнкү саат 03:00дө алгачкы шайлоо участогу Россиянын Түштүк-Сахалинск аймагында ачылды. Учурда чет өлкөдөгү жалпы 16 шайлоо участогу иштеп жатат. Калган добуш берүүчү жайлар жергиликтүү саат 08:00дө иштеп баштайт.