Инвестицияларды илгерилетүү жана коргоо агенттигинин жетекчиси Алмамбет Шыкмаматов 23-февралда Орусияга иш сапары менен барды. Анда ал Москвадагы "Кыргызстан" павильонунун иши менен таанышты.
Мындан тышкары павильон жайгашкан "Москва" жармаңке-көргөзмө комплексинин башчысы Омар Муртузалиев менен жолугушуп, өлкөдө өндүрүлгөн товарларды Орусиянын базарларына кеңири чыгаруу маселесин талкуулады.
Маалыматка ылайык, Омар Муртузалиев жармаңке-көргөзмө комплексинин аймагында кыргыз ишкерлери үчүн өз товарын сатууга ыңгайлуу шарттар түзүлгөнүн билдирген.
Жолугушуунун аягында Инвестицияларды илгерилетүү жана коргоо агенттиги менен "Москва" комплексинин ортосунда кызматташуу меморандуму түзүлдү.
Пикирлер (0)
Пикир жок. Сиз биринчилерден болушуңуз мүмкүн