Анкара шаарында Кыргызстандын тышкы иштер министринин орун басары Алмаз Имангазиев Түркиянын юстиция министринин орун басары Хуршит Йылдырым менен жолугушту.
КР ТИМден билдиришкендей, талкуунун негизги темасы Кыргызстан менен Түркиянын ортосундагы жарандык, экономикалык жана кылмыш иштери боюнча укуктук жардам көрсөтүү жөнүндө макулдашууну ишке ашыруу контекстинде өлкөлөр ортосундагы укуктук тармакта кызматташуу болду.
Тараптардын аймагындагы абактарда жазасын өтөп жаткан соттолгондорду экстрадициялоо жана которуу маселелери кеңири талкууланды.
Эки өлкөнүн тиешелүү мамлекеттик органдарынын, анын ичинде Кыргызстандын Башкы прокуратурасы жана Юстиция министрлиги менен Түркиянын Юстиция министрлигинин ортосундагы тыгыз өз ара аракеттенүү белгиленип, тараптардын кызматташууну мындан ары тереңдетүүгө жана кеңейтүүгө даярдыгы белгиленди.
Пикирлер (0)
Пикир жок. Сиз биринчилерден болушуңуз мүмкүн