Ош шаарындагы мектептерде билим алган 5 окуучу өлкө башчы Садыр Жапаровдун атына жаңы жылдык белек сурап кат жазган. Алардын үчөө смартфон алууну кааласа, эки окуучу энциклопедия берүүсүн сураган. Президент өспүрүмдөрдүн каалоосун орундатып, белегин жөнөттү. Бул тууралуу Ош шаарынын мэриясынын басма сөз кызматы билдирди.
Бүгүн, 27-декабрда Ош шаарынын мэри Алмаз Мамбетов окуучулар менен жолугуп, Президенттин белегин тапшырды. Ажонун атынан келген белектер менен бирге таттуу шириндиктер да берилди. Шаар башчы алардын келечекке болгон максаттарын угуп, окууларына ийгилик каалады.
Пикирлер (0)
Пикир жок. Сиз биринчилерден болушуңуз мүмкүн