Жогорку Кеңештеги «Кыргызстан» фракциясынын лидери Алмазбек Батырбеков мандатын тапшыруу боюнча арыз жазды. Бул тууралуу ал «Азаттыкка» билдирген.
Анын айтымында, алар 2015-жылы парламенттик шайлоого баратканда партия жаңы болуп, ар кими өз дараметине жараша шайлоо участкаларын алып, белгилүү бир добуш алуу үчүн иштеген.
«Менден кийин келе турган Бейшенаалы Нурдинов деген агабыз Бишкекте иштеп, эң көп добуш алган. Бирок партиядагы кээ бир адамдар алган милдетин аткарбай калган учурлар болгон. Ошондуктан бул киши кезегин күтүп көпкө отуруп калды. Мен «кезегиңиз келсе мен ордумду бошотуп бергенге даярмын» деп айткан элем. Анан ал кишинин кезеги келгендиктен сөзгө туруп бошотуп бердим», - деди Батырбеков.
Ал мандатын тапшыруунун дагы бир себеби катары алдыда болчу парламенттик шайлоого даярдык көрүү менен түшүндүрдү.
Пикирлер (0)
Пикир жок. Сиз биринчилерден болушуңуз мүмкүн