«Алтын Балалык» борборунун ичин жасалгалоо иштери башталды

«Алтын Балалык» борборунун үч блогунда ички жасалгалоо иштери башталды. Бул тууралуу Саламаттыкты сактоо министрлигинин маалымат кызматы билдирди.

“Алтын Балалык” ден соолукту чыңдоо жана калыбына келтирүү борборунда оңдоо-курулуш иштери кызуу жүрүүдө.

Бүгүнкү күндө М, Л, Ж блокторунун ички жасалгалоо иштери башталып, жакында 950 кв.м. пол керамогранити жана 1800 кв.м. дубал кафельдери алынды. Мындан тышкары, Саламаттыкты сактоо министрлиги борбордун аймагын жашылдандыруу жана көрктөндүрүү иштерин жүргүзүүдө.

Эске салсак, борборду ишке киргизүү мөөнөтү 2022-жылдын 1-июнуна белгиленген.