Алтынбек Сулайманов: Казакстан унга киргизген чектөөнү алышы керек

Казакстан унга киргизген чектөөнү алышы керек. Бул тууралуу депутат Алтынбек Сулайманов бүгүн, 15-мартта Жогорку Кеңештин жыйынында билдирди.

“Эмне үчүн биз казак туугандарга 1982-жылдагы макулдашуу менен сууну берип жатабыз? Алсак, Киров суу сактагычындагы суунун 92%ы коңшу өлкөгө кетет. Токтогул, Орто-Токой суу сактагычтарынан да суулар берилет. Өкмөт сүйлөшүү жүргүзүп, ЕАЭБдин алкагындагы эрежелерди сактоо менен унга киргизилген чектөөнү талап кылгыла” – деди депутат.

Андан тышкары, депутат күйүүчү-майлоочу майлардын жана газдын наркын да кайрадан карап чыгуу керектигин белгиледи.