Алтынбек Сулайманов "Кумтөрдү" биротоло жаап салууну сунуштады

Бүгүн Жогорку Кеңештин кезексиз жыйынында  депутат Алтынбек Сулайманов "Кумтөрдү" биротоло жаап иштетпей эле коюну сунуштады. 

Анын айтымында, биз азыр экологияны талкаласак кийин миллиарддаган пайда тапсак да бекер. 

"Мен бүгүн дүйнө кетип жаткан жолду тандайлы. "Жашыл экономика" жолун тандап алалы. "Кумтөрдү" биз иштетсек да алар иштетсе да баары бир ден соолук үчүн эң кымбат аба жана суу булганууда. Мен "Кумтөрдү" биротоло жаап таштоону сунуш кылам. Азыр Кытай 30 жыл мурда талкалаган экологиясын трилиондоп акча сарптаса дагы мурдагыдай болбой жатат. Ошондуктан келечектеги балдарыбыздын ден соолугун сактайлы десек, "Кумтөрдү" жаап салыш керек",- деди Сулайманов.