Аманова: Өчпөс отту өчүргөн балдар 2 сатта табылды, кызды өлтүргөндөр 2 күндө араң табылды

Өчпөс отту өчүргөн балдар 2 сатта табылды, кызды өлтүргөндөр 2 күндө араң табылды. Мындай пикирин Жогорку Кеңештин депутаты Бурул Аманова билдирди. 

Анын айтымында, ИИМдин жана тиешелүү органдардын жоопкерчилигин караш керек.

"Өчпөс отту өчүргөн балдар 2 сатта табылды, кызды өлтүргөндөр 2 күндө араң табылды. Негизи издедиби же жокпу?  Бул ала качуу экенин кандайча билишти? Бул жерде ИИМ жана башка жетекчилердин кызматын карап көрүү керек. Биз өлкөнү туристтик өлкө катары тааныткыбыз келет. Бирок интернетти карасак ала качуу дегенде Кыргызстан чыгып жатат",- деди Аманова.