Америка Ооганстандагы элчилигин чыгарып кетет

Америка кошмо штаттары Ооганстандын борбору Кабул шаарындагы элчилигин чыгарып кетүүгө ниеттенүүдө. Бул тууралуу Нью-Йорк Таймс билдирди.

Маалыматка ылайык, Американын бул кадамга барышына талибандардын борборго жакындашы болуп саналат.

АКШ элчилигинде бир жарым миңдей киши эмгектенет.

Алардын коопсуздугун сактоо үчүн алар убактылуу Кабулдагы аэропортко көчүрүлөт.

Мындан сырткары, Улуу Британия да элчилик кызматкерлерин чыгарууну көздөп жатат.