АКШда пранкер каракчылык кылып, тамашалуу видео тартып жаткан учурунда атып өлтүрүлдү. Бул тууралуу чет элдик басылмалар жазып чыгышты.
Маалыматка ылайык, окуя АКШнын Теннесси штатынын Нэшвилле шаарында болгон. Элди тамашага салган деген Тимоти Уилкс аттуу жаран жана анын досу унаа токтотуучу жайлардын биринде касап бычактары менен тоноо уюштурушкан. Бирок элдин арасынан 20 жаштагы жаран видео учурунда пранкерди атып салган. Шектүү полиция кызматкерлерине мунун баары пранк экенин билбей окуяны олуттуу кабыл алганы менен түшүндүргөн.
Басылмалар билдиришкендей, жергиликтүү укук коргоо органдары окуя боюнча иликтөө жүргүзүп жатышат. Ал эми пранкерди атып салган жаранга азырынча эч кандай чара көрүлө элек.
Булак: "Супер.кг"
Пикирлер (0)
Пикир жок. Сиз биринчилерден болушуңуз мүмкүн