Кеминде 4 адам каза болду. Америкада медициналык мекемеде куралдуу кол салуу болду

АКШнын Оклахома штатынын Талса шаарында куралдуу кол салуу болду. Бул тууралуу чет элдик маалымат каражаттары билдирди.

Белгилүү болгондой, Талса шаарындагы медициналык мекемелердин биринде 35-40 жаштагы кара терилүү жаран курал менен мекеменин ичиндеги адамдарды аткылай баштаган.

Анын натыйжасында 4 адам каза болгону айтылууда. Ал эми жаракат алгандардын саны белгисиз.

Полиция тараткан маалыматка караганда, жаран өзүн да атып салган.

Буга чейин Америкада мектепте куралдуу кол салуудан башталгыч класстын 18 окуучусу жана 3 жаран каза болгон.