Кыргызстандык мушкер Антонина Шевченко UFC турниринде америкалык атаандашы Кортни Кейсини жеңип алды. Бул тууралуу уюм социалдык тармактагы баракчасы аркылуу кабарлады.
Шевченко атаандашы менен толук үч раунд кармашты. Натыйжада калыстардын чечими менен жеңиш ыйгарылды.
Акыркы ирет Антонина Шевченко 2021-жылы октябрда UFC Vegas 38 турниринин алкагында австралиялык Кейси О'Нилл менен беттешип, экинчи раундда техникалык нокаут менен жеңилип калган. Андан мурунку турнирде америкалык атаандашы Андреа Лиге жеңишти алдырып жиберген.
Ушуну менен Антонина аралаш мушташта онунчу жеңишин камсыздады, төрт ирет утулган.
Пикирлер (0)
Пикир жок. Сиз биринчилерден болушуңуз мүмкүн