Арка айылында тажик аскерлери турак үйлөрдү аткылашты

Мамлекеттик чек аранын кыргыз-тажик тилкесинде абал курч. Бул тууралуу Улуттук коопсуздук мамлекеттик комитетинин чек ара кызматы билдирди.

Анын айтымында, Баткен облусунун Лейлек районунун Арка аймагында тажик аскер кызматкерлери Кыргызстандын жарандарынын үйлөрүнө ок чыгарышкан. Айыл тургундары буга чейин эвакуацияланган.

УКМКнын ЧК чек ара бөлүктөрү коргонуу позициясын ээлешти.

Бүгүн Баткен шаарында чек араларды делимитациялоо жана демаркациялоо боюнча өкмөттөр аралык комиссиянын мүчөлөрүнүн сүйлөшүүлөрү башталышы керек болчу. Бирок жолугушууга Тажикстандын өкүлдөрү келе элек.