Армения менен Азербайжандын тышкы иштер министрлери Арарат Мирзоян менен Жейхун Байрамов 2-октябрда Женевадагы жолугушууда эки өлкөнүн ортосундагы тынчтык келишимине байланышкан маселелерди талкуулашты, деп билдирди Армениянын Тышкы иштер министрлигинин басма сөз кызматы.
«Тараптар Армения менен Азербайжандын ортосундагы тынчтык келишими, Тоолуу Карабактын армяндарынын укуктарын жана коопсуздугун кепилдөө, анын ичинде Степанакерт менен Баку ортосунда сүйлөшүү механизмин түзүү аркылуу пикир алышты», — деп айтылат Тышкы иштер министрлигинин сайтында.
«Өлкөлөрдүн эгемендүүлүгү жана юрисдикциясы чегинде аймактык транспорттук каттамдар жабылышы керек» деген өз ара түшүнүшүүгө оң баа берилгени белгиленди.
Басма сөз кызматынын маалыматына караганда, Мирзоян Армениянын суверендүү аймагынан азербайжандык аскерлерди чыгарып кетүү жана бардык армян туткундарын дароо бошотуу боюнча армян тараптын позициясын ырастады. Чек арадагы кырдаалга мониторинг жүргүзүүнүн эл аралык механизмдерин киргизүүгө өзгөчө көңүл бурулду.
Пикирлер (0)
Пикир жок. Сиз биринчилерден болушуңуз мүмкүн