Бүгүн, 2024-жылдын 26-июнунда Жогорку Кеңештин жалпы жыйынында депутат Эльвира Сурабалдиева Армениянын мамлекеттик номуру тагылган унаалардын тагдырына кызыкты.
Анын айтымында, ага армян номурлуу унааларды кантип мыйзамдаштырууну билбеген жарандар кайрылыша.
«Айрымдардын унаасынын документтери жок, анткени бул унаалар Армениядан Кыргызстанга тетик катары алынып келинген. Сиз карапайым элге кантип жардам бере аласыз?», - деп сурады.
Буга Мамлекеттик бажы кызматынын төрагасынын орун басары Улан Кимсанов Армения ЕАЭБге мүчө болгондуктан, бул машиналарда эч кандай көйгөй жок деп жооп берди.
«Армян номурлуу унаалар сол рулдуу болсо, «Унаа» мамлекеттик ишканасына катталышы мүмкүн. Оң рулдуу унаа катталбайт», - деди ал.
Пикирлер (1)