Бишкекте жайгашкан жаңы курулуп жатып, курулушу токтогон көп кабаттуу үйдүн ээлери президенттин кеңешчиси Арзыбек Бурхановго нааразы. Бул тууралуу нааразы тарап "Кактус.медиа" редакциясына билдирген.
Алардын айтымында, Бурхановдун компаниясы Бишкекте көп кабаттуу үй курабыз деп адамдардан акча алган, бирок курулуш 7 жылдан бери бүтө элек.
"Биз бул үйдүн курулушу үчүн керек делген каражатты 100 пайыз төлөп бүткөнбүз. Бирок Бурхановдун компаниясы алдап дагы деле бүтүрө элек. Эгер президенттин кеңешчиси ушунтип алдаса кимге ишенебиз. Качан бүтөт десек акча жок дейт",- деди курулушу бүтпөй калган үйдүн ээлеринин бири.
Эгер президенттин кеңешчиси Арзыбек Бурханов аталган маселе боюнча пикирин билдирсе, редакциябыздан орун берүүгө даярбыз.
Пикирлер (0)
Пикир жок. Сиз биринчилерден болушуңуз мүмкүн