Асамидин Марипов уулунун Аскарбек Шадиев менен байланышы жөнүндө айтты

Өкмөт башчылыкка сунушталып жаткан Улукбек Марипов Аскарбек Шадиевдин өкүл баласы эмес. Бул тууралуу анын атасы Асамидин Марипов жергиликтүү маалымат булактарынын бирине билдирген. 

"Улукбек Аскарбек Шадиевдин өкүл баласы эмес. Болгону экөө бир кызматта чогуу иштешкен. Ноокатта мурда "өкүл ата" деген түшүнүк жок болчу. Ал кийин эле чыкты го. Уулумдун өкүл атасы жок", - деди Марипов.

Эске салсак, буга чейин социалдык тармактарда Улукбек Марипов Америкада качып жүргөн Шадиевдин "өкүл баласы" деген маалымат тараган.