Ашхабадда түрк элдеринин маданиятынын жумалыгы башталды (фото)

Махтумкули атындагы Түркмөнстандын улуттук музыкалык драма театрында түрк мамлекеттеринин маданият жумалыгынын салтанаттуу ачылыш аземи болуп өттү.

Түрк маданиятынын эл аралык уюмунун (ТҮРКСОЙ) негизделгенинин 30 жылдыгына арналган акцияга катышуу үчүн бул эл аралык уюмдун жетекчилери жана өкүлдөрү, ошондой эле Азербайжан, Казакстан, Кыргызстан, Түркия жана Өзбекстандан келген чыгармачыл делегациялар Ашхабадга келишти.

Салтанаттуу азем кабыл алуучу өлкөнүн президенти Сердар Бердымухамедовдун чыгармачыл форумдун катышуучуларына куттуктоо кайрылуусу менен башталды.