Аскар Акаев Кыргызстанга кайра көчүп келеби?

Азырынча Россияда болом, анткени бул жерде менин кызыктуу жумушум бар. Мындай пикирин мурдагы президент Аскар Акаев орусиялык "МК" басылмасына берген маегинде билдирди.

"Азырынча Россияда болом, анткени бул жерде менин кызыктуу жумушум бар. Мен Москва мамлекеттик университетинин механика-математика факультетинде иштейм, ал жерде көрүнүктүү окумуштуулардын катарындамын. Илимий иштерди жасоо үчүн алдыңкы лидерлердин катарында болуу абдан маанилүү. Чыгармачылык күч-кубатым бар кезде Москва мамлекеттик университетинде ишимди уланткым келет",- деп жооп берген Акаев.