Аскер прокуратурасы «Апрель ТВ» телеканалынын эфирге кайрадан чыгышына уруксат берген сот чечимине каршы Бишкек шаардык сотуна арызданды. Бул тууралуу маалымат 5-февралда телеканалдын расмий сайтына жарыяланды.
Маалым болгондой, бул арыз карала турган жарандык процесс боюнча соттук отурум 25-февралга белгиленди.
Белгилей кетсек, былтыр 29-декабрда Бишкектин Октябрь райондук соту Аскер прокуратурасынын «Санарип технологиялар» жана «Апрель ТВ» жоопкерчилиги чектелген коомдоруна каршы экономикалык доосун карап, аны канааттандыруудан баш тарткан. Райондук соттун бул чечими менен «Апрель ТВ» кайрадан эфирге чыгууга расмий түрдө уруксат алганы кабарланган.
Пикирлер (0)
Пикир жок. Сиз биринчилерден болушуңуз мүмкүн