Бардык социалдык төлөмдөр, пенсия жана жөлөк пулдар убагында берилет. Бул тууралуу вице-премьер-министр Эркин Асрандиев 11-июндагы брифинг учурунда билдирди.
Анын айтымында, мамлекеттик органдарда иштеген кызматкерлердин айлык акылары өз убагында төлөнүп жатат.
"Мамлекеттик бюджеттин кырдаалы оор болгонуна карабастан, социалдык милдеттерди өз убагында аткаруу үчүн күн сайын күч-аракетибизди жумшап жатабыз. Өкмөт пенсия, жөлөк пул жана мамлекеттик органдардын айлык акыларын өз учурунда берип жатат жана мындан ары дагы бул иштер өз убагында төлөнүп берилет", - деди Эркин Асрандиев.
Пикирлер (0)
Пикир жок. Сиз биринчилерден болушуңуз мүмкүн