Нарын облусунун Ат-Башы районундагы Таш-Рабат кербен сарайын реставрациялап баштаганын Маданият, маалымат жана жаштар саясаты министрлигинен билдиришти.
Маалыматка караганда, министрдин орун басары Марат Тагаев аймакка барып тарыхый жайдын абалы менен таанышкан.
"Бүгүнкү күндө табигый, атмосфералык, механикалык жана антропогендик таасирлерден улам бузулуу коркунучунда турган кербен сарайды сактап калуу максатында "Кыргыз реставрация" илим-изилдөө долборлоо институту тендер жарыялап, аны "Түштүк курулуш сервис" компаниясы утуп алды", — деп айтылган маалыматта.
Таш-Рабат республикалык маанидеги тарыхый жана маданий эстеликтердин тизмесинде турат. Ал акыркы жолу 1970-80-жылдары рестраврацияланган. Бул тарыхый-маданий мурас объекти 2024-жылдан тартып министрликтин карамагында.
Пикирлер (0)
Пикир жок. Сиз биринчилерден болушуңуз мүмкүн