Ат-Башылык 45 жаштагы жөө күлүк Бишкекке жөө чуркап чыкты (видео)

Ат-Башы районунун Талды-Суу айылынын тургуну, жөө күлүк Оболбек Осмонбеков рекорд коём деп Бишкекке жөө жүгүрүп чыкты. Бул тууралуу анын айылдаштары социалдык тармакка жарыялады.

Маалыматка ылайык, марафончу бүгүн, 19-июнда Талды-Суу айылынан Бишкекти көздөй жөө жүгүрүп жолго чыкты. Анын айтымында, күн ачык болсо Бишкекке 2-3 күн аралыгында келип калат.

Белгилей кетсек, алыскы аралыка чуркаган 45 жаштагы жөө күлүк 2017-жылы бул спортко кайтып келип, ал арадыкта марафондорго, жарым марафондорго бир нече жолу катышкан. Москва шаарында болгон 50 чакырымдык марафондо 1-орунду алган. Самарканда өткөн жарым марафонго да катышкан. Быйылкы жылы Томск, Ташкент жана Алматыга чакыруу алып, бирок коронавирус пандемиясына байланыштуу мелдештер болбой калган.