Атамбаев Акыйкатчыга кан басымы кескин өзгөрүп жатканын маалымдады

Алмазбек Атамбаев КР акыйкатчысына өзүнүн кан басымы кескин өзгөрүп жатканын  билдирди. Бул тууралуу Акыйкатчы институтунан маалымдашты.

Омбудсмен Токон Мамытов УКМКнын Тергөө абагында болуп, мурдагы президент Алмазбек Атамбаев менен жолугуп кайткан.

УКМКнын басма сөз кызматы 25-майда Атамбаевдин абалы туруктуу экенин жана ден соолугунун өзгөргөнү тууралуу даттануу болгон эместигин билдирген.

“Буга байланыштуу учурда ал медициналык текшерүүдөн өтүүгө муктаж эмес. Атамбаев күнү-түнү дарыгерлердин көзөмөлүндө турат”, - деп айтылат УКМКнын маалыматында.