Мурдагы президент Алмазбек Атамбаев бүгүн түрмөдөн бошотулуп, мамлекет анын коопсуздугуна кам көрүшү керек. Мындай пикирин анын адвокаты Сергей Слесарев VB.KG сайтына билдирген.
“Мыйзам боюнча Атамбаев бүгүн бошотулушу керек. Бүгүн биз Жогорку Соттун чечимин Жазаларды аткаруу мамлекеттик кызматына беребиз. Аталган орган мыйзамды аткарат деп үмүт кылып турабыз. Анткени, Алмазбек Шаршенович Батукаевдин иши боюнча камакка алынган. Ал эми калган иштер боюнча камакка алуу чечими чыккан эмес. Ошондой эле Атамбаев камактан чыккандан кийин анын коопсуздугун Күзөт кызматы камсыздап берет деп ишенип турабыз”, - дейт ал.
Пикирлер (1)