Атамбаев тарапташтарын Анвар Артыковду колдоого чакырды (кат)

Мурунку президент Алмазбек Атамбаев абактан КСДП партиясынын жаңы жетекчиси Анвар Артыковго кат жазды. Бул тууралуу партиянын мүчөсү Темирлан Султанбеков фейсбуктагы баракчасына жазып чыкты.

Атамбаев өзүнүн катында Анвар Артыковду партиянын төрагасы болуп шайланышы менен куттуктап, аны чынчыл жана Кыргызстандын чыныгы жараны экенин белгилеген.

Ошондой эле Атамбаев өзүнүн тарапташтарын Анвар Артыковду колдоого чакырып, бардыгын анын тегерегине чогулуусун суранган.