Жалган курандын 29, 2024
Убакыт: 03:42
USD
89.40
89.87
EUR
96.20
97.20
RUB
0.960
0.985

Атазов мэрия жаңы конушка оорукана салууга бут тосуп жатканын билдирди

25.05.2023 14:25
232
Атазов мэрия жаңы конушка оорукана салууга бут тосуп жатканын билдирди

Бишкек шаарындагы Ак-Бата конушуна оорукана салалы десек, мэрия кол койбой жатат. Бул тууралуу Жогорку Кеңештин бүгүнкү жыйынында депутат Шайлообек Атазов билдирди.


Ал конушка поликлиника салуу үчүн эки ай мурун Катардан инвестор таап, 1 млн долларга келишим түзүлгөнүн, бул боюнча мэрдин өзүнө кирип чыгышканын белгиледи.


«Бишкек шаарынын мэрине киргенбиз, тапшырма берилген. Жер даяр турат, ошого кантип кол коюп берип койгонго жарабайт? Же инвестор аларга пара берип, анан чечишибиз керекпи? Бүгүн жаңы конуштар поликлиникага муктаж болуп турат», — деди депутат.


Ошондой эле оорукана салынып калса, ички жабдууларын да инвестор өзүнүн каражатына орнотуп берерин, учурда инвестор «кайра кетем» деген сыяктуу маселе козгоп жатканын айтты.

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн