Мамлекеттик аткаминерлердин 50%ын кыскартыш керек. Мындай пикирин мамлекеттик ишмер, экс-спикер Алмамбет Матубраимов "Биринчи радионун" түз эфиринде билдирди.
Түз эфирде илдеттин кесепеттерин жоюу, абалды турукташтыруу жана социалдык-экономикалык абалды жөнгө салуу тууралуу маселелер талкууланууда.
Алмамбет Матубраимовдун айтымында, кызматтык унаалардын 50-60%ын дагы кыскартуу керек.
"Биздин убакта өкмөттө 50 гана киши иштечүбүз. Ошондо деле саналуу гана маселелер чечилбей калганы менен өкмөт эффективдүү иштеген.
Мындан тышкары эми татыктуу депутаттарды шайлашыбыз керек. Мурдагыдай кландык, капчыктуу, тууган-урук, тааныш-билиш деген ой жүгүртүү менен добуш берүүнү токтотушубуз керек. Азыр 120 депутаттын бардыгы эле кайра Жогорку Кеңешке келүүнүн аракетин көрүп жатат. Келгенден кийин өзүнүн бизнесин алдыга сүрөйт. Ага жол бербешибиз керек", - дейт экс-спикер Алмамбет Матубраимов.
Пикирлер (3)