Австралия Украинага аскердик жардамдын биринчи бөлүгүн жөнөттү

Австралия Украинага 14 бронетранспортердун ичинен биринчи төрт M113AS4 БТР жөнөттү. Бул тууралуу өлкөнүн Коргоо министрлиги билдирди.

"Украинага өткөрүлүп берилген алгачкы төрт M113AS4 БТР өткөн аптада Королдук аба күчтөрүнүн Амберлидеги базасынан учуп кеткен. Украинанын Ан-124 учагына жүктөлгөн бул төрт унаа Австралия тарабынан берилген 14 M113AS4 бронетранспортерлорунун биринчи бөлүгү", - деп айтылат министрликтин сайтында.

Белгиленгендей, Украинага австралиялык жардам пакети 285 миллион австралиялык доллардан ашык (болжол менен 198 миллион АКШ доллары) колдоону камтыйт, анын курамына Bushmaster бронетранспортерлору, M777 гаубицалары, танкка каршы куралдар, ок-дарылар, учкучсуз учуучу аппараттар жана жеке жардамдар кирет.