Бишкек шаарынын мэрлигине жаңы шайланган мэр Айбек Жунушалиев таштанды кайра иштетүүчү заводго кеткен акчаны териштирүүнү суранды. Бул тууралуу ал бүгүн маалымат жыйында билдирди.
Анын айтымында, буга чейин таштандыны кайра иштетүү боюнча завод куруу боюнча келишим түзүлгөн.
"Буга чейин Бишкек шаарынын полигонунда таштандыны кайра иштетүүчү завод куруу боюнча келишим түзүлгөн. Келишимге ылайык, заводдун курулушуна 22 миллион сом бөлүнмөк.
Азыркы учурда 12 миллион сом иштетилип кеткен. Бирок заводдун курулушунан дайын жок. Бул акча боюнча укук коргоо органдары териштирүү жүргүзүүсү керек",- деди Жунушалиев.
Пикирлер (0)
Пикир жок. Сиз биринчилерден болушуңуз мүмкүн