Айдоочунун эсине! Бүгүндөн тарта Бишкектеги 3 көчө бир тараптуу болуп өзгөртүлдү

Бишкектин чок ортосундагы үч көчө бир тараптуу болду.

Буга чейин мэрия көчөлөрдүн айрым тилкелерин бир тараптуу кылуу чечимин кабыл алган.

Кайгуул милициясы аталган көчөлөргө жол белгилерин орнотту.

Маалым болгондой, алар 1-2 күн айдоочуларга эскертүү берет. Андан соң айып пул сала баштайт.

Төмөнкү көчөлөр мэриянын чечими менен бир тараптуу болду:

Шопоков көчөсү — Киев көчөсүнөн Чүй проспектисине чейин (түндүк багытта);

Панфилов көчөсү — Киев көчөсүнөн Чүй проспектисине чейин (түндүк багытта);

Логвиненко көчөсү — Чүй проспектисинен Киев көчөсүнө чейин (түштүк багытта).