«Айыл чарбасын каржылоо - 8» долбоорунун алкагында 4,2 млрд сом кредит берилди

Үстүбүздөгү жылы «Айыл чарбасын каржылоо - 8» долбоорунун алкагында 4,2 млрд сомго 8 миң кредит берилди. Бул тууралуу айыл чарба, тамак-аш өнөр жайы жана мелиорация министри Эркинбек Чодуев билдирди.

Анын айтымында, ушул жылы 250 техникага чейин лизингге берүү пландалган, бүгүнкү күнгө 204 даана техника берилди.

“Республиканын үрөнчүлүк чарбаларын колдоо жана айыл чарба товар өндүрүүчүлөрүн сертификацияланган сапаттуу үрөндөр менен камсыз кылуу максатында “Үрөнчүлүктө мамлекеттик дотациялоо” мыйзамы кабыл алынган”, - деди министр.