Кыргызстанда үстүбүздөгү жылдын эки айында өткөн жылдын ушул мезгилине салыштырмалуу мас айдоочулардын саны 49,7%га кыскарды. Бул тууралуу Жол кыймылынын коопсуздугун камсыздоо башкы башкармалыгынан билдиришти.
Такталгандай, 2023-жылдын 8-мартынан 24-майына чейинки аралыкта мас абалында унаа башкарган 728 айдоочу аныкталды. Ал эми өткөн жылы ушул эле убакыт аралыгында 1 миң 448 мас айдоочу кармалган. Ошентип, мас айдоочулардын саны 49,7%га кыскарган.
Мындан тышкары, ушул эле мезгилде ылдамдыкты чектен ашырган 18 миң 185 айдоочу аныкталса, өткөн жылы 21 миң 213 айдоочу аныкталган. Көрсөткүчтөр 14,2%га төмөндөгөн.
Пикирлер (0)
Пикир жок. Сиз биринчилерден болушуңуз мүмкүн