Норвегиянын борбору Осло шаарында өтүп жаткан күрөш боюнча дүйнөлүк чемпионатында кыргызстандык балбан кыз Айсулуу Тыныбекова жарым финалга чыкты.
Тыныбекова 62 кг салмакта мелдештин 1/8 финалынан баштап катышып, япониялык Нонока Озакини 6:4 эсебинде утуп алды.
Мелдештин чейрек финалында кыргызстандык спортчу белорустук Вераника Иванованын далысын жерге тийгизип жеңип алды.
Акматалиев 70 кг салмакта чемпионаттын тандап алуу баскычынан баштап катышууда. Анын алгачкы атаандашы шри-ланкалык Каруна Пели болуп, мекендешибиз 10:0 эсебинде аны жеңип алды.
Мелдештин 1/8 финалында Акматалиев армениялык Арман Андреасян менен килем үстүнө чыгып, аны 11:2 эсебинде артта калтырды.
Кийинки чейрек финалда кыргызстандык балбан ирандык Эрфан Элахи менен кармашып, акыркы мүнөттөрдө эки балбан тең бири-бирин артка чапканга жетишти. Калыстардын узак чечими менен жеңишти Акматалиев илип кетти.
Пикирлер (0)
Пикир жок. Сиз биринчилерден болушуңуз мүмкүн