Бүгүн, 13-июль Казакстанда коронавирустан каза болгон адамдарды эскерүү үчүн жалпы улуттук аза күтүү күнү деп жарыяланган. Жергиликтүү убакыт боюнча саат 12:00дө өлкө боюнча бир мүнөттүк аза күтүү болгонун Tengrinews.kz. жазды.
Ак ордонун алдында президент Касым-Жомарт Токаев жана башка мамлекеттик кызматкерлер коронавирус пандемиясынын курмандыктарын эскеришти.
Социалдык тармактарда казакстандыктар аза күтүү күнүндөгү видеолор менен бөлүшүүдө.
Алмата шаарындагы №3 ооруканасынын медициналык кызматкерлери көчөгө чыгып, коронавирустан каза тапкан бейтаптарды эскеришти.
Акыркы маалыматтар боюнча, Казакстанда коронавирустан 375 адам көз жумган.
Пикирлер (0)
Пикир жок. Сиз биринчилерден болушуңуз мүмкүн