Футбол боюнча Кыргызстан улуттук курама командасынын коргоочусу Азамат Байматов улуттук курамада карьерасын жыйынтыктады. Бул тууралуу ал АКИпресс агенттигине билдирди.
"Мен Азия Кубогунда кайрадан катышкым келди. Бирок мен улуттук курама үчүн жакшы жыйынтыктарды көрсөтүп 10 жыл ойнодум. Мен улуттук курамада карьерамды жыйынтыктадым",- деди Байматов.
Азамат Байматов Кыргызстандын курама командасында 33 беттеш өткөрүп, анда 3 гол киргизген. Ал улуттук курама командага 2019 -жылы БАЭде өтө турган Азия Кубогунун финалдык баскычына чыгууга жардам берген, бирок жаракаттан улам турнирде ойной алган эмес.
Пикирлер (0)
Пикир жок. Сиз биринчилерден болушуңуз мүмкүн