Азербайжанда Кыргызстан менен Түркиянын тышкы иштер министрлери жолукту

Тышкы иштер министри Жээнбек Кулубаев Азербайжандын Габала шаарында ттүркиялык кесиптеши Хакан Фидан менен жолугушту.

Кыргызстандын тышкы саясий ведомствосунан маалымдашкандай, анда тараптар кыргыз-түрк кызматташтыгынын динамикалуу өнүгүүсүн, анын ичинде Түркиянын вице-президенти Жевдет Йылмаздын 17-18-сентябрда Кыргызстанга болгон расмий сапарын жана анын Соода-экономикалык кызматташтык боюнча өкмөттөр аралык комиссиясынын 12-жыйынына катышуусун канааттануу менен белгилешти.

Ошону менен бирге алар эки тараптуу мамилелердин жана Түрк мамлекеттер уюмунун алкагындагы өз ара аракеттенүүнүн азыркы абалы жана мындан ары тереңдетүү келечеги тууралуу пикир алмашышты.