Ажылык сапарга баруучуларды каттоо 9-ноябрда башталып, 20-ноябрга чейин уланат. Бул тууралуу КР муфтийинин биринчи орун басары Самидин кары Атабаев маалымат жыйынында билдирди.
Анын айтымында, каалоочулар РСК Банкка 2 миң доллар жана кайтарымсыз 1 миң сом өлчөмүндөгү баштапкы төлөмдү төлөп, андан кийин облустук, райондук, шаардык казыяттарга, хатибияттарга квитанцияларды бериши керек.
«Өткөн жылдан бери 111 адам электрондук кезекте калып, алар 1 миң доллар салган, калган сумманы төлөшү керек. Алдыдагы ажылык сапар үчүн да Кыргызстанга 6,5 миңге жакын квота бөлүнөт», - деди Самидин кары Атабаев.
Ажылык-Умра бөлүмүнүн башчысы Жолдошбек ажы Абдылдаев кошумчалагандай, кезекке туруу үчүн ажылык сапарга баарууну каалагандар дүмүрчөктүн түп нускасын, ID жана эл аралык паспортторду бериши керек.
Анын айтымында, ажылыкка 18 жаштан жогорку жарандар гана бара алат.
Пикирлер (3)