Ажылыкты уюштуруу Муфтиятка эмес башка уюмдарга жүктөлөбү?

Ажылык сыяктуу акча чогулткан иш-чараларды Муфтияттан бөлүү маселеси каралууда. Бул тууралуу Аалымдар кеңешинин мүчөсү, теология илимдеринин доктору Марс Ибраев «Маралга» берген маегинде билдирди.

Анын айтымында, акча болгон жерде чыр да болот.

"Диний чөйрө кылдат каралышы керек. Сырттан саясий күчтөр аралашса, дин да саясатташып кетет. Өткөн окуялар жагымсыз жагдай жаратты, өкүнүү менен кабыл алып жатабыз. Анын зыянын жалпы диний адамдар көрдүк", — дейт Ибраев.

Ажылыктын каражат чогултуу системасы өзгөрсө, Муфтият көбүрөөк сабатсыздыкты жоюу, имамдардын квалификациясын, диний билим берүү деңгээлин жогорулатуу жаатында иш алып бармак.