КР Өкмөтүнө караштуу Монополияга каршы жөнгө салуу агенттиги азык-түлүктүн 10 түрүнүн баасы боюнча максималдуу деңгээлдеги чекти белгиледи. Бул тууралуу өкмөттүн басма сөз кызматы билдирди.
Талдоо өлкөнүн бардык аймактарында жүргүзүлдү. Анын жыйынтыгы боюнча нан, макарон, өсүмдүк майы жана пахта майы, шекер, жумуртка менен эттин дүң жана чекене баасынын максималдуу деңгээли белгиленди.
Аталган агенттиктин маалыматы боюнча, бааларды жөнгө салууда ишкерлердин бардык чыгымдары эсепке алынган. Бүгүнкү күндө бир катар мамлекеттик кызматтардын адистери бааларга көзөмөл жана мониторинг жүргүзүп жатышат.
Чектөөлөрдү бузгандар Бузуулар жөнүндө кодексине ылайык административдик жоопкерчиликке тартылышат.
Пикирлер (0)
Пикир жок. Сиз биринчилерден болушуңуз мүмкүн