Азык-түлүктүн кымбатташы жана аны чечүү тууралуу Улукбек Мариповдун пикири

Министрлер кабинетинин төрагасы Улукбек Марипов "Пирамида" каналына берген маегинде азык-түлүк коопсуздугун камсыздоо боюнча пикирин билдирди.

Анын айтымында, азык-түлүктүн кымбатташына эң биринчи күйүүчү майдын кымбатташы себеп болгон.

"Кыргызстан өзү мунайды өндүрбөйт. Ошондуктан күйүүчү май өскөн сайын башка азык-түлүк дагы кымбаттабайт. Аны ташып келүү, жеткирүү, өндүрүү баары ушуга такалат. Мындан сырткары, пандемияга байланыштуу чек аралардын жабык болушу.

Азык-түлүк коопсуздугун камсыз кылуу үчүн Айыл чарба министрлигине тапшырма бердик. Алар азык-түлүктүн баасын көзөмөлдөп элге эң керектүү азыктарды ташыгандарды кошумча нарк салыгынан бошотот",- деди Марипов.