“Азия Микс” КВН командасында катышканы менен таанылган активист Марат Жуманалиев каза болду

Жарандык активист Марат Жуманалиев каза болду. Бул тууралуу анын досу Абдурахман Муртазалиев 14-мартта социалдык тармактардагы баракчасына билдирди.

Анын айтымында, Марат кырсыктын кесепетинен үйүндө каза болгон.

Марат Жуманалиев атактуу мушкерлерге көп учурда спарринг-өнөктөш болуп жүргөн спортчу. 2010-жылдары КВНдеги оюну менен таанылып, «Азия Микс» командасынын мүчөсү болгон. Акыркы жылдары кайрымдуулук иштери менен алектенип келген.

Ал 13-мартта социалдык тармактарга ифтар жарандардын эсебинен өтүп жаткандыгы тууралуу билдирүүсүн жарыялаган.

Ал 43 жашта болчу.

Аны менен коштошуу 15-мартта Бишкектин борбордук мечитинде жума намаздан кийин болот.