Азиз Садырбеков Маданият, маалымат жана жаштар саясаты министрлигине караштуу "Кыргыз Маданият Сервис" мамлекеттик ишканасынын директору болуп дайындалды. Бул тууралуу ведомстводон маалымдашты.
Тиешелүү тескемеге министрлер кабинетинин төрагасы Адылбек Касымалиев кол койду.
Жаңы дайындалган директорду эмгек жамаатына маданият министри Мирбек Мамбеталиев тааныштырды.
Азиз Садырбеков буга чейин КР президентинин Ысык-Көл облусундагы өкүлүнүн аппаратынын жетекчиси болуп иштеген.
Ал Ж. Баласагын атындагы Кыргыз улуттук университетинин Мамлекеттик жана муниципалдык башкаруу адистиги боюнча 2002-жылы бүтүргөн. Ал эми 2013-жылы КР президентине караштуу Мамлекеттик башкаруу академиясынын менеджмент багыты боюнча магистратураны аяктаган.
Пикирлер (0)
Пикир жок. Сиз биринчилерден болушуңуз мүмкүн