Жогорку Кеңештин депутат Азизбек Турсунбаев Чаткал районундагы калың жааган кардын кесепетинен жолдор жабылып калганын билдирди.
"Ошондой эле айрым айылдарда электр жарыгы өчүрүлдү. Төрт сарай жана 150дөн ашуун мал кар астында калды. Андыктан Министрлер кабинети чыгымдарды эсептеп чыгып, калыбына келтирүү иштерин жүргүзүшү керек”, – деди Турсунбаев.
Ага ылайык, аталган маселени Президенттин жана Министрлер кабинетинин Жогорку Кеңештеги туруктуу өкүлү Алмасбек Абытовго табыштап, көзөмөлгө алуусун өтүндү.
“Жергиликтүү эл кайрылып, аймактагы жол тейлөө мекемелеринин техникалары эскиргенин айтууда. Андыктан Транспорт жана коммуникациялар министрлиги заманбап техникалардан бөлүп берип, табияты катаал аймакка колдоо көрсөтсө жакшы болмок”, – деп кошумчалады депутат.
Пикирлер (2)